Legislator Rechtsprechung & Gesetzgebung
sl_61.2 MT

Regolamenti dwar il-Passaporti

14 Artikel / Bestimmungen · Malta
Originalquelle öffnen Maschinenlesbares Markdown (.md)

Inhaltsübersicht (14)

Gesetzestext (14 Artikel)

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

LEĠISLAZZJONI SUSSIDJARJA 61.02

REGOLAMENTI DWAR IL-PASSAPORTI

28 ta’ Settembru, 1993

L-AVVIŻ LEGALI 131 tal-1993, kif emendat bl-Avviżi Legali 59 tal-

2001, 141 tal-2007, 97 tal-2009, 111 tal-2011, 159 tal-2014 u 193 tal-2023.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

It-titolu ta’ dawn ir-regolamenti hu Regolamenti dwar il-

Passaporti.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1)

Jista’ jinħareġ passaport Malti lil -

(a) ċittadini ta’ Malta; jew

(b) ċittadini oħra tal-Commonwealth; jew

(ċ) persuni oħra li ma jkunux persuni ta’ nazzjonalità

Maltija u li jkunu jinsabu f’Malta mingħajr passaport

validu hekk kif provdut fir-regolament 2A; jew

(d) persuni li ġew dikjarati apolidi mill-awtoritajiet Maltin

pertinenti skont id-dispożizzjonijiet tal-Konvenzjoni

tal-1954 tan-Nazzjonijiet Uniti rigward l-Istatus ta’

Persuni Apolidi; jew

(e) persuni li ngħataw protezzjoni mill-Aġenzija għall-

Protezzjoni Internazzjonali, u l-membri tal-familja

tagħhom li huma hekk intitolati, skont id-

dispożizzjonijiet

tal-Att

dwar

il-Protezzjoni

Internazzjonali u kwalunkwe regolamenti magħmula

taħtu,

wara applikazzjoni lill-uffiċjal tal-passaporti.

(2)

F’dawn ir-regolamenti, kemm-il darba r-rabta tal-kliem

ma teħtieġx xort’oħra

"Aġenzija Identità Malta" tfisser l-Aġenzija mwaqqfa bl-

Ordni li Jwaqqaf l-Aġenzija Identità Malta;

"ċittadin tal-Commonwealth" għandu jkollha l-istess

tifsira kif mogħtija lilha fl-artikolu 23 tal-Kostituzzjoni;

"Ordinanza" tfisser l-Ordinanza dwar il-Passaporti;

"passaport" tfisser dokument għall-ivvjaġġar maħruġ

skont

id-dispożizzjonijiet

tal-ispeċifikazzjonijiet

tar-

Regolament (KE) Nru 444/2009 tal-Parlament Ewropew u tal-

Kunsill tat-28 ta’ Mejju 2009 li jemenda Regolament tal-

Kunsill (KE) Nru 2252/2004 dwar l-istandards għall-

karatteristiċi ta’ sigurtà u l-bijometrika f’passaporti u

dokumenti tal-ivvjaġġar maħruġa mill-Istati Membri u tinkludi

Dokument Konvenzjoni tal-Ivvjaġġar maħruġ lil persuni

mogħtija stat ta’ rifuġjat skont id-dispożizzjonijiet tal-Att dwar

il-Protezzjoni Internazzjonali u l-liġijiet sussidjarji tiegħu;

"passaport diplomatiku" tfisser passaport maħruġ lil

persuna wara awtorizzazzjoni mis-Segretarju Permanenti

responsabbli għall-Affarijiet Barranin, jew kwalunkwe uffiċjal

ieħor hekk awtorizzat għal tali għan mis-Segretarju Permanenti

sabiex jaġixxi f’ismu;

"uffiċjal tal-passaporti" tfisser id-Direttur tal-Uffiċċju

tal-Passaporti, li għandu jkun uffiċjal għoli tal-Aġenzija

Identità Malta maħtur mill-Uffiċjal Kap Eżekuttiv tal-istess

Aġenzija, jew kwalunkwe uffiċjal magħżul mid-Direttur tal-

Uffiċċju tal-Passaporti sabiex jaġixxi f’ismu għall-finijiet ta’

dawn ir-regolamenti u tal-Ordinanza.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Fil-każ ta’ persuni msemmija fir-regolament 2(1)(ċ),

(d) u (e), dokument tal-ivvjaġġar jew passaport maħruġ skont dawn

ir-regolamenti għandu

(a)

ikun ta’ kulur differenti jew ikollu kliem li jkunu

jiddistingwuh minn passaporti maħruġa lill- persuni msemmija

fir-regolament 2(1)(a) u (b);

(b)

ikun fih indikazzjoni li hu ''Dokument tal-

Ivvjaġġar'' jew ''Passaport għal Stranġier'', skont il-każ;

(ċ)

ikun validu għal perjodu ta’ tliet (3) snin mid-data

tal-ħruġ

Iżda l-uffiċjal tal-passaporti jista’, abbażi tal-ordni

pubbliku, jispeċifika f ’kull tali dokument tal-ivvjaġġar jew

passaport perjodu iqsar ta’ validità.

(2) Id-dispożizzjonijiet tar-regolament 9(2) ma għandhomx

japplikaw fil-każ ta’ ''Dokument tal-Ivvjaġġar'' jew ''Passaport għal

Stranġier''.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Kull persuna ta’ sittax-il sena jew iżjed li tapplika għal

passaport għandha timla bil-kitba tagħha applikazzjoni fuq formula

magħrufa bħala Formula A, li tista’ tinkiseb mingħand l-uffiċjal

tal-passaporti.

(2) Fil-każ ta’ tifel jew tifla taħt is-sittax-il sena, jkun meħtieġ

passaport separat. Formula magħrufa bħala Formula A, li tista’

tinkiseb mingħand l-uffiċjal tal-passaporti, għandha timtela miż-

żewġ ġenituri jew mit-tutur jew kuratur tal-minuri, bil-kitba tiegħu

jew tagħha stess.

(3) Tfal taħt l-età ta’ tmintax-il (18) sena ma jiġux mogħtija

faċilitajiet ta’ passaport mingħajr il-kunsens bil-miktub taż-żewġ

ġenituri jew, jekk dawn ikunu t-tnejn mejta, tat-tutur jew kuratur

tagħhom. Jekk, meta kwalunkwe wieħed mill-ġenituri jkun għadu

ħaj, xi persuna oħra tgħid li tkun tutur jew kuratriċi tat-tfal, hija

għandha tipprovdi lill-uffiċjal tal-passaporti kopja tal-ordni tal-

qorti li tkun tat lilu l-kustodja tat-tfal

Iżda f’każ li l-kunsens ta’ kwalunkwe wieħed mill-ġenituri,

jekk iż-żewġ ġenituri jkunu ħajjin, u ma jkunx jista’ jinġieb għal

kwalunkwe raġuni, il-ġenitur l-ieħor għandu jippreżenta rikors

quddiem il-Qorti Ċivili (Sezzjoni tal-Familja) sabiex jitlob lill-

Qorti tordna, wara li tkun qieset l-aħjar interessi tal-minuri, li l-

passaport tal-minuri jinħareġ mingħajr il-kunsens tal-ġenitur li ma

tax il-kunsens tiegħu. Fid-digriet tagħha, il-Qorti għandha tindika

wkoll jekk tali digriet għandux ikun limitat għal tali applikazzjoni

għall-passaport, jew jekk japplikax ukoll għal applikazzjonijiet

għall-passaport futuri li jikkonċernaw lilll-istess minuri

Iżda wkoll l-ebda ordni tal-qorti ma jkun meħtieġ fejn il-qorti

kompetenti diġà tkun awtorizzat id-dispensa tal-kunsens ta’

kwalunkwe wieħed mill-ġenituri.

(4) Jekk persuna li tkun tixtieq timla formula ta’ applikazzjoni

ma tistax tikteb, il-persuna li timla d-dikjarazzjoni bħala

rakkomandant ta’ l-applikant tista’ timla l-formula ta’

applikazzjoni bil-kitba tagħha f’isem min japplika.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Tkun meħtieġa d-dikjarazzjoni tar-rakkomandant

b’sostenn ta’ l-applikazzjoni li hemm fl-imsemmija formuli meta -

(a) issir applikazzjoni minn persuna adulta għall-ħruġ ta’

passaport għall-ewwel darba;

(b) issir applikazzjoni għall-ħruġ ta’ passaport għal

persuna minuri meta r-rakkomandant ikun xhud tal-

firma taż-żewġ ġenituri jew tal-kuraturi;

(ċ) ċittadini Maltin ikunu jirrisjedu barra minn Malta; u

(d) id-Direttur tal-Uffiċċju tal-Passaporti jiltaqa’ ma’ xi

diffikultà meta jiġi biex jaċċerta ruħu mill-identità ta’

min japplika.

(2)

(a) Id-dikjarazzjoni tar-rakkomandant għandha tiġi

mimlija u ffirmata minn ċittadin Malti li jkun ministru

tar-reliġjon, jew tabib, jew persuna li teżerċita l-

professjoni legali, jew arkitett, jew impjegat ċivili fid-

diskrezzjoni tad-Direttur tal-Uffiċċju tal-Passaporti, jew

manager ta’ bank jew xi persuna oħra li, fil-fehma tad-

Direttur tal-Uffiċċju tal-Passaporti, tkun ta’ grad simili.

(b) Ir-rakkomandant għandu jkun jaf personalment lil min

japplika għal mill-anqas sentejn minnufih qabel ma

jiffirma d-dikjarazzjoni

Iżda fil-każ ta’ applikazzjoni għall- passaport mill-persuni

msemmija fir-regolament 2(1)(ċ), (d), u (e), ir-rakkomandant

għandu jkun jaf personalment lill-applikant għal mill-inqas sitt (6)

xhur minnufih qabel l-iffirmar tad-dikjarazzjoni.

(3) L-uffiċjal tal-passaporti jista’ skont l-ordni pubbliku ma

jkollux bżonn id-dikjarazzjoni ta’ min jagħmel ir-

rakkomandazzjoni meta tkun ġiet provduta data bijometrika.

(4) Jekk il-persuna li tapplika għal passaport tkun tirrisjedi

barra minn Malta jew tkun tinsab, fil-waqt ta’ l-applikazzjoni, barra

minn Malta, id-dikjarazzjoni b’sostenn għal dik l-applikazzjoni

tista’ tiġi mimlija u ffirmata minn kull ċittadin tal-Commonwealth

jew ċittadin tal-Unjoni Ewropea li jkun kwalifikat għal dan l-iskop

kif provdut f’dan ir-regolament.

(5) Jekk ma jkunx hemm persuna kwalifikata biex timla d-

dikjarazzjoni kif maħsub f ’dan ir-regolament, l-uffiċjal tal-

p a s s a p o r t i j i s t a ’ , skont l-ordni pubbliku, j e ż e n t a m i l l i s s i r

dikjarazzjoni.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Meta formula ta’ applikazzjoni tkun ġiet mimlija f’kull

partikolarità, għandha tiġi preżentata lill-uffiċjal tal-passaporti

flimkien mar-ritratti u data bijometrika u dokumenti oħra meħtieġa

mill-uffiċjal tal-passaporti kif jingħad fil-formula ta’ applikazzjoni

relattiva. Ir-ritratti, data bijometrika u d-dokumenti li jkunu ma’

formula ta’ applikazzjoni jsiru proprjetà tal-Gvern malli jiġu

preżentati lill-Uffiċċju tal-passaporti

Iżda kull persuna li tkun qed tapplika għall-passaport

għandu jitteħdilha r-ritratt u d-data bijometrika minn uffiċjal, jew

persuna responsabbli hekk awtorizzata mill-uffiċjal tal-passaporti kif

approvat mill-Uffiċjal Kap Eżekuttiv tal-Aġenzija Identità Malta.

(2) Meta isem u, jew kunjom ikun magħmul minn iktar minn isem

u, jew kunjom wieħed, u l-ismijiet u, jew l-kunjomijiet kollha ikunu

ta’ tul ikbar milli teknikament jista’ jitniżżel fil-passaport, l-uffiċjal

tal-passaport jista’ jillimita tali ismijiet u, jew kunjomijiet li jitniżżlu

fil-passaport, b’tali mod li dejjem jinkludi l-ewwel ismijiet u, jew

kunjomijiet, skont il-każ.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Il-passaporti maħruġa permezz tal-uffiċjal tal-passporti

għandhom jibqgħu proprjetà tal-Gvern u jistgħu, għal raġuni valida

ġustifikata, f ’kull żmien wara l-ħruġ jiġu invalidati, irtirati jew

imħassra.

(2) Fejn il-qorti kompetenti tkun ħarġet mandat ta’ inibizzjoni

skont l-artikolu 877 tal-Kodiċi ta’ Organizzazzjoni u Proċedura Ċivili,

l-uffiċjal tal-passaporti jista’ jitlob l-assistenza tal-Pulizija Eżekuttiva

sabiex jirtira l-passaport li jkun inħareġ diġà fir-rigward tal-minuri, u

kwalunkwe passaport ieħor li jinkludi isem il-minuri..

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Passaporti jistgħu jinkisbu biss għall-ivvjaġġar fil-

pajjiżi msemmija fih, iżda ma jeżentawx lid-detentur tagħhom milli

josserva xi liġi jew regolament ta’ immigrazzjoni li jkunu fis-seħħ

f’xi territorju jew mill-ħtieġa li jikseb viża jew permess meta jkun

hekk meħtieġ mill-liġijiet ta’ xi territorju.

(2) Il-pussess ta’ passaport jew dokument tal-ivvjaġġar, maħruġ

mill-uffiċjal tal-passaporti, minn persuna li mhijiex ċittadin ta’ Malta,

ma jagħtix dritt awtomatiku lid-detentur tiegħu li jerġa’ jidħol Malta.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Passaporti maħruġa mill-uffiċjal tal-passaporti lil

ċittadini ta’ Malta, għandhom, bla ħsara għad-disposizzjonijiet tar-

regolament 6 -

(i)

ikunu validi għal perjodu ta’ għaxar snin mid-

data tal-ħruġ għal dawk il-persuni li għalqu s-

sittax-il sena;

(ii) ikunu validi għal perjodu ta’ ħames snin mid-

data tal-ħruġ għal dawk il-minuri li għalqu l-

għaxar snin iżda li għadhom ma għalqux is-

sittax-il sena;

(iii) ikunu validi għal perijodu ta’ sentejn mid-data

tal-ħruġ għal dawk il-minuri li għadhom ma

għalqux l-għaxar snin

Iżda l-uffiċjal tal-passaporti jista’, abbażi tal-ordni pubbliku

jispeċifika f’xi passaporti bħal dawn perijodu iqsar ta’ validità.

(2) Meta passaport ikun inħareġ għal perijodu iqsar minn kif

speċifikat fis-sub-regolament (1), jista’ jiġi mtawwal għall-bqija

tal-perijodu kif speċifikat.

(3) Meta jispiċċaw il-perijodi ta’ validità kif speċifikati fis-

sub-regolament (1), jew meta ma jkunx hemm aktar spazju fil-

passaport għal approvazzjonijiet jew viżi għal pajjiżi li fihom id-

detentur fi ħsiebu jivvjaġġa, jew għal kwalunkwe raġuni ġustifikata

oħra, għandha ssir applikazzjoni għal passaport ġdid.

(4) Meta ssir applikazzjoni għal passaport ġdid u l-passaport il-

qadim jingħata lill-uffiċjal tal-passaporti, huwa jista’, fid-

diskrezzjoni tiegħu, u jekk dik il-formula ta’ applikazzjoni tkun

xort’oħra mimlija soddisfaċentement, jirrinunzja għal ħtiġiet ta’

data bijometrika, produzzjoni ta’ provi dokumentarji u li ssir id-

dikjarazzjoni tar-rakkomandant.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Il-passaporti jinħarġu jew jiġu estiżi mill-uffiċjal tal-

passaporti.

(2) Il-passaporti jinħarġu, jiġu estiżi u jingħataw lil ċittadini ta’

Malta f’xi pajjiż barra minn Malta mir-rappreżentanti diplomatiċi

jew konsulari tal-Gvern ta’ Malta f’dak il-pajjiż jew, f’pajjiż fejn

m’hemmx dawn ir-rappreżentanti, minn persuni li jkunu jservu fis-

servizz diplomatiku, konsulari jew xi servizz ieħor barrani ta’

pajjiż li, b’arranġament mal-Gvern ta’ Malta, jkun aċċetta li

jirrappreżenta l-interessi tal-Gvern Malti f’dak il-pajjiż jew minn xi

persuna oħra, f’kull każ awtorizzata għal dan il-għan mill-Ministru

u skond id-direzzjoni, ġenerali jew speċifika, mogħtija għal dak l-

iskop mill-Ministru.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

Imħassar bl-Avviż Legali 193 tal-2023.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

(1) Kopji tal-formuli msemmija f’dawn ir-regolamenti

għandhom jinħarġu bla ħlas mill-uffiċjal tal-passaporti lil persuni li

jkunu jeħtieġuhom b’bona fide.

(2) L-uffiċjal tal-passaporti jista’ minn żmien għal żmien

jagħmel dawk l-emendi u żidiet fl-imsemmija formuli kif huwa jqis

mixtieq jew meħtieġ.

Liġijiet ta' Malta — Leġiżlazzjoni Sussidjarja 61.2 — Regolamenti dwar il-Passaporti

Applikazzjonijiet

meħtieġa

b’dawn

ir-regolamenti

għandhom isiru fuq formuli stampati mogħtija mill-uffiċjal tal-

passaporti għaldaqshekk, u għandhom, qabel ma jingħataw lill-

uffiċjal tal-passaporti, jiġu mimlija f ’kull partikolarità, u skond

kull nota, marka jew direttiva f ’xi parti tagħhom, jew f ’xi nota

marġinali li jkun hemm fihom

Iżda u bla ħsara għal dawn ir-regolamenti, l-uffiċjal tal-

passaporti jista’ wkoll, f ’każ ta’ applikazzjoni għall-ħruġ ta’

passaport diplomatiku, jirċievi l-istess applikazzjoni f ’format

elettroniku permezz ta’ portal elettroniku maħluq għal dan il-għan,

permezz ta’ Formula, magħrufa bħala Formula A, li tista’ tiġi

ffirmata manwalment jew elettronikament skont ir-Regolament

(UE) Nru 910/2014 tal-Parlament Ewropew u tal-Kunsill tat-23 ta’

Lulju 2014 dw ar l-id entifikazzj oni elettron ika u s-servizzi

fiduċjarji għal transazzjonijiet elettroniċi fis-suq intern u li jħassar

id-Direttiva 1999/93/KE

Iżda wkoll l-applikazzjoni għall-ħruġ ta’ passaport

diplomatiku sottomessa permezz tal-portal elettroniku maħluq għal

dan il-għan, tista’ timtela’ wkoll b’mod elettroniku u mingħajr il-

ħtiega li timtela’ bil-kitba tal-persuni msemmija fir-regolament 3.

Fragen Sie sich, wie diese Gesetzesbestimmung auf Ihren Fall anwendbar ist?

Prüfen Sie diesen Erlass zusammen mit Rechtsprechung, Kommentaren und verwandten Gesetzesbestimmungen in Legislator AI.

Fall in Legislator öffnen →