taħt il-patroċinju ta’ l-Institute for Conservation and Restoration Studies

B

Suppliment tal-Gazzetta tal-Gvern ta’ Malta, Nru. 17,780, 17 ta’ {unju, 2005

Taqsima B

A.L. 216 ta’ l-2005

ATT DWAR L-EDUKAZZJONI

(KAP. 327)

L-Ordinamenti ta’ l-2005 skond ir-Regolamenti

Ġenerali għar-Rikonoxximenti Universitarji sa l-Ewwel Grad, 2004

għall-Grad ta’ Bachelor of Documentation Studies (Honours) – B.Doc. (Hons) –

taħt il-patroċinju ta’ l-Institute for Conservation and Restoration Studies

BIS-SAĦĦA tas-setgħat mogħtija lilu skond l-artikoli 30(5) u

31(6) ta’ l-Att dwar l-Edukazzjoni (Kap. 327), il-Kanċillier ta’ l-

Universita’ ta’ Malta ppromulga dawn l-ordinamenti magħmulin mill-

Bord Akkademiku ta’ l-Institute for Conservation and Restoration Studies

bis-saħħa tas-setgħat mogħtija lilu skond l-artikolu 37(1) ta’ dak l-Att u li

ġew approvati mis-Senat ta’ l-Universita’ ta’ Malta kif jirrikjedi l-artikolu

37(2) ta’ dak l-Att

Titolu u Interpretazzjoni

(1) Dawn l-ordinamenti jistgħu jissejħu bħala l-Ordinamenti ta’ l-2005

skond ir-Regolamenti Ġenerali għar-Rikonoxximenti Universitarji sa l-Ewwel Grad,

2004 għall-grad ta’ Bachelor of Documentation Studies (Honours) – B.Doc. (Hons)

– taħt il-patroċinju ta’ l-Institute for Conservation and Restoration Studies.

(2) F’dawn l-ordinamenti, kemm-il darba r-rabta tal-kliem ma titlobx

mod ieħor -

“il-Bord Akkademiku” tfisser il-Bord Akkademiku ta’ l-Institute for

Conservation and Restoration Studies tal-Malta Centre for Restoration;

“il-Bord ta’ l-Istudji” tfisser il-Bord ta’ l-Istudji għall-Kors maħtur mis-

Senat, fuq ir-rakkomandazzjoni tal-Bord Akkademiku;

B

“il-Grad” tfisser il-grad ta’ Bachelor of Documentation Studies (Honours) –

B.Doc. (Hons);

“il-Kors” tfisser il-programm ta’ studji li jwassal għall-grad ta’ Bachelor of

Documentation Studies (Honours) – B.Doc. (Hons); u

“ir-Regolamenti Prinċipali” tfisser ir-Regolamenti

{enerali

għar-

Rikonoxximenti Universitarji sa l-Ewwel Grad, 2004.

L-Applikabilita’

Dawn l-ordinamenti għandhom japplikaw għall-korsijiet li jibdew

f’Ottubru 2003 jew wara.

Ir-Rekwiżiti Speċjali għad-Dħul fil-Kors

B’seħħ minn Ottubru 2006, l-applikanti għandhom ikollhom ċertifikat li

għaddew fil-Livell Intermedju ta’ l-Eżami għaċ-Ċertifikat tal-Matrikola fil-Fiżika

jew fil-Matematika Pura bi Grad Ċ jew aħjar.

L-Għażla ta’ l-Applikanti

Il-Bord Akkademiku jista’ jirrakkomanda lis-Senat l-għadd ta’ applikanti li

jistgħu jitħallew jirreġistraw għall-Kors, skond ir-riżorsi disponibbli. L-għadd ta’

postijiet disponibbli jkun imħabbar meta joħorġu l-applikazzjonijiet.

Jekk ikun hemm aktar applikanti eligibbli mill-għadd ta’ postijiet

disponibbli, l-applikanti jkunu magħżula permezz ta’ intervista, li tqis il-kwalifiki ta’

l-applikanti u d-dispożizzjoni tagħhom li jsegwu l-Kors.

It-Tul tal-Kors

Il-Kors jinfirex fuq medda ta’ tlett snin ta’ studju fuq bażi full-time.

Il-Programm tal-Kors

L-istudenti għall-Grad ikunu meħtieġa jirreġistraw għal, u jiksbu, il-kredti

għal taqsimiet studju li għalihom hemm 180 kredtu assenjati kif ġej

B

(a) 160 kredtu fid-dokumentazzjoni;

(b) 6 kredti fakultattivi; u

(ċ) 14-il kredtu għad-dissertazzjoni.

Il-Bord ta’ l-Istudji għandu jippubblika l-programm ta’ studju għad-

Documentation Studies, imfassal skond il-provvedimenti rilevanti tar-Regolamenti

Prinċipali, u approvat mis-Senat, qabel il-bidu ta’ kull Kors. Suġġett għall-tibdiliet

li l-Bord ta’ l-Istudji, bl-approvazzjoni tas-Senat, jista’ ikun kostrett jagħmel, l-

istudenti huma marbuta li jsegwu t-taqsimiet studju u jiksbu l-kredti kif indikat fil-

programm ta’ studju.